Nostalgia Series: Pambatang Palabas Noong Dekada 90

SABI ni Bob Ong sa isa niyang libro, kapag pinagmamalaki mo na raw ang henerasyon nyo noong mga bata pa kayo eh ibig sabihin tumatanda ka na. Sa tingin ko totoo nga talaga, ang bilis ng panahon kung sisimulan mong isipin ang noon. Kasabay ng mabilis na pagtakbo ng oras ay ang mas mabilis na pagsulong ng teknolohiya ng ating panahon. Noon, uso pa ang “poor kids vice”, hindi mahirap at masayang  pustahan, maingay ang kalsada dahil sa mga kabataaan na nagkukumpulan; “I-sa, Da-lawa, Tat-lo, A-pat, Li-ma, TSA!” ani ng mga bata noon na may labin-isang tex sa kamay. Dati din usong-uso pa ang matagal nating panunuod ng mga oldies na animes at manghang-mangha nga tayo sa mga SUPERHEROES natin na nakamaskara, may kulay, may tatoo, umiilaw ang mata, nakamotor o nakakotse at lumilipad, may kumiskilap ang ilaw sa dibdib kapag lowbat na ang power niya at mala-atomic bomb ang pagsabog kapag namatay na yung kalaban.

…Naalala mo pa kaya ang ilan sa mga ito? Heto at napagtripan kong gumawa ng listahan ng mga palabas at ang mga natatangi nilang signatures habang kumakaen ng ENTENG the dragon cheese curls.

• Maskman – naalala mo pa si OKIRAMPA? yung mukhang gagambang halimaw na palaging tinatawag ng mga kalaban para palakihin ung halimaw na natalo. *Hindi na-ere sa Tv ang finale nito pero available sa Youtube.
• Bio-Man – si Peebo ba bading o babae? english ang language na ginamit noon kaya sa action na lang ako nagababase para maintindihan ang kwento nito.
• Voltes V -  Bakit nag-aaway palagi si Steve at si Mark? Ang kanilang robot na may electromagnetic top, voltes bazooka, chain knuckle, gatling missiles, grand fire, electromagnetic ball at laser sword.
• Koseidon – “Paytus bomber. jump!” may eeject na hero mula sa isang kanyon…”KOOOSEIDOON!” naalala ko din si Kapitan Maku. hehehe.
• Ultraman -  sa channel 2 ang palabas nito; nauna ang Ultraman sumunod ang Utlraman Ace. Channel 7 na ang sumunod na Ultraman Tiga at Dyna, sa ngayon ay channel 23 tanging meron ultraman tuwing tanghali, Ultraman Max pero hindi na ito hit sa panahong ito.)
• Machine Man - Seiun Kamen Machineman, Si Nick at si Boknoy ang pangalan ng robot niyang isang bola ng baseball, the Fighting Ball kung tawagin dati.
• Super Human Samurai - sa loob ng computer ang labanan nila, sisirain lahat ng piyesa ng halimaw ang loob ng computer, may healing power naman ang bida that will restore anything that damaged or destroyed components after nilang maglaban. Sa channel 5 din yan.
• “INDIAN PANA KAKANA-KANA! Tatlong itlog kakalog-kalog!” - Ito ung phrase na ewan ko kung san galing, pero ito yung usong expression noon ng mga bata. Minsang hinabol ng isang puto vendor ang isang tambay dito samin ng sabihan siya nito sa tapat ng bahay namin. Ewan ko kung paano sila nagkaintindihan ng vendor.
• Tex ng pelikula - noong uso pa ang tex, naabutan ko pa yung mga last batch na nakapaglaro nito. Ito yung tipong buong pelikula eh nasa tex with matching script pa, “Tanda! tapusin na natin ang laban!”
• Ghost Fighter - naging sikat ang kuya ko sa school namin nung elementary until high school dahil kapangalan niya yung bida sa anime na ‘to. Yuyu Hakosho in japanese, well I remenber  na umaabot sa school, classroom, sa classmates ang episode na napanuod nila kagabi. May movie din tong maaksyon at tagalize, nakornihan lang ako nung sumigaw si Alfred bandang climax ng pelikula “MABUHAY ANG GHOST FIGHTER!” ala katipunero?
• Zenki -  isa to sa mga inaabangan naming mgakakapatid tuwing hapon, “palakol ni Zeeeeba!”; cute si Cherry at ang kanyang miniskirt…Si Kasuhe o Kasuwe(?) ung spirit detective nila na kelangan hilain yung pisi ng baril para umikot yung DVD para magkabala at siya din ang huling biktima ng binhi ng kadiliman. Si Taro at si APO JOKAY, parehong ma-L sa kwento, first episode pa lang.
• BTX to BTX Neo - Si Teppei Takamiya at ang kanyang messiah fist na gawa ni Karen na may kapirasong laman ni Rafaelo, ang higanteng carnivore. Dramatic ang ending nito, lahat ata namatay eh at si Karin (kapatid ni Karen) ang nagkwento sa mga bata ng pangyayari. Idol ko si MetalFace.
• Flame of Recca - hindi ko to trip although halos the same lang ng story ng Ghost Fighter, emo lang talaga si Kurei at napagtripang gawing apoy ang GF nya.
• Trapp Family Singer - Si Maria at ang Trapp Family.  Maganda ito tapos yung pinakahuling part nun ay patakas na sila sa Ausrtia dahil sinasakop na ito ng Germany during World War II. Lumapit ang mayor-domo ng pamilyang Trapp na maka-NAZI, “Ang Austria ay magiging parte ng Alemanya!” galit na sumagot si Baron Georg “hindi totoo yan!”
• Georgie  – “Nang makita ko ang larawan mo ay muling nagbalik sa’kin ang lahat…” ang unang linya ng kanta sa opening, hindi ko to pinanuod, boring at too matured and tema ng anime na to. May nude scenes pang bonus.
• BLINK – Pinagtatalunan namin ng Bestfriend ko kung ano ba talaga ang tamang opening ng blink, dahil nga may umaapela na iba daw ang opening na available sa Youtube. Duwag si Takero at kelangan ng tapang palage mula kay Blink. Until he got awake and he know that everything is a dream.
• Remy (boy version) at Remy (girl version) – Eto yung isa sa mga pinaka the best na anime in 90′s, first aired ang boy version na Remy na halos konti lang ang nakaka-alala. Mas dramatic ito kesa sa girl version especially nung inatake ng mga lobo yung alaga nilang mga aso, kung san namatay ung aso nilang poodle na babae at yung isang matapang na aso, I forgot his name and breed. Sa girl naman na Remy, sumikat ang kanyang kanta, “Aking ina, mahal kong ina, pagmamahal mo aking ina, yakap mo sa akin. hinahanap ko, init ng pag-ibig, kumot ng bunso. Sa gitna ng pagkakakahimbing, yakap mo ang gigising.”
• Mga Munting Pangrap ni Romeo – Well, it reminds me of the song about their brotherhood. “ITIM NA MAGKAKAPATID” at yung kanilang hymn nung kinanta nila in the wake of their original leader, si Alfred. Ang alaga niyang si picolo na mahilig sa keso. Si Luini ang nagbebenta ng bata, si Angelita na may sakit at si Bianca na naging asawa ni Romeo sa huli at ang pamilyang ROSS.
• Cedie – One of the most interesting bout Cedie is his voice: try to say “LOLO” na may pilantik sa boses. And his favorite piece while playing flute, ang “Annie Laurie.”
• Shaider – saken hindi ko masyado to napanood but naabutan ko ito, paborito ito ng medyo older ng konti saten. Pinaka-aabangan daw kasi nila kapag sinalakay na si Annie, wearing her mini-shirt for the whole series then she’ll kick very high so boys stares at her legs and…uhm…
• Masked Rider Black – well i love the opening theme of this. Ganda talaga! Robert Akitsuki ang bida,  “Rider Change!” kapatid ba niya si Rider X/Metal X?
• The Adventure of Tom Sawyer – sa channel 2 tuwing umaga, this is cool, lalo na yung pinatay ni Indian Joe ung doctor at itinurong salarin si Mang Mop Potter. Courageous Tom, napatakbo bigla si Indian Joe dahil pinagsisigawan ni Tom na siya ang salarin.

Ang huli nating mga laro ng patintero, piko, tumbang preso, jolens, trumpo, chinese garter, mata-mataya, black 123 (brutal na laro ito), kalog (tansan), tatsing (yung marvel hero na flat at lalagyan ng tanso at thumbstacks para maging pektus daw at the best si Flash na pamato), plastic ng kendi na nagiging pera, presyuhan ng mga laruan depende sa ganda at lambot (200 kapag maliit at goma) or trade na kapareho ng value ng kalaruan na trip mo sa kalaro mo.

Ang mga nabanggit ko ay ilan lamang sa mga huling kultura ng mga batang pinoy bago pa maubos ang oras sa computer games na nauso na ng late 90′s at early 2000′s at hanggang ngayon. Hindi na din ganun sila kahilig manunuod sa TV kundi sa monitor na ng PC at pumapatay ng mga zombie sa kanilang bakuran o binabaril ang kalaban sa ‘sniping area’. Talagang iba na ang mundo ng mga kabataan ngayon, malayong malayo sa mundo natin noon, hindi na din ganun kahirap mag-aral dahil isang click lang makukuha mo lahat ng dapat mong malaman. By the way, this is not to urge to restore the past but just to keep it… na minsan, naging bata din tayo at sa darating na panahon ay may maikukuwento ka din sa mga sususunod pang henerasyon. Laos na ang generation X, Y at Z at ang panahon na lang ang makapagsasabi kung anong uri na ng mundo ang para sa mga kabataan ngayon.

Batang Dekada Nobenta Ka Ba?

Isa-isahin niyo ito at kapag natawa kayo, nangiti, may naalala, SYURBOL akong batang 90’s ka!

1. Masaya ka kapag naglalaro ka ng Tex at Pog. Kadalasan ang design dito ay yung mga palabas sa TV, mga drama o kaya anime, may dialogue pa.

2. May comics pa ang bazooka. Kahit di mo maintindihan yung Fortune Cookie sa huli ay collection mo pa rin yun.

3. Uso pa yung tirador, yung gawa talaga sa sanga ng puno.

4. Ang mga babae naglalaro ng paper dolls na tigpipiso bawat isang set sa sari-sari store.

5. Kung lalake ka, siguradong may pellet gun ka.

6. Humihingi ka ng dalawang piso sa magulang mo para maglaro ng video arcade sa sari-sari store. Favorite mo yung Sonic, Mario at Street Fighter at Tetris.

7. Nagwa-watusi ka kapag New Year kahit pinapagalitan ka ng nanay mo.

8. Meron kang sapatos na umiilaw yung swelas kapag iniaapak mo. Mas sikat kung iba-iba yung kulay.

9. Merong at least isang Chicago Bulls na shirt sa bahay nyo. Madalas number 23 pa yung nakalagay.

10. Pinapatulog ka ng yaya/nanay mo tuwing tanghali o hapon para raw lumaki. Hindi na kasi pinapatulog ang mga bata ngayon tuwing tanghali di tulad nung panahon natin.

11. Sinasabihan ka ng matatanda na may lalabas na pari o bigas sa sugat mo kapag hindi nilagyan ng alcohol pero in the end, betadine lang ang magpapatahimik sa inyo.

12. Kung babae ka, nagkaroon ka ng butterfly hairclips/rings. (si Jolina ang nagpauso nito)

13. Kung medyo may pera ang pamilya nyo, nagpabili ka ng Polly Pocket.

14. Naglalagay ka ng Kisses (yung mabango) sa pencil case mo, o kaya sa isang lalagyan na may bulak, alcohol at tinutusok ng karayom para mabilis manganak.

15. May free stickers ng Disney movies sa loob ng Maggi noodles.

16. Pinapatunog mo yung takip ng Gatorade.

17. Ang mga stationeries na uso: Papemelroti, Tsukuba, Sashikibuta. Pwedeng ibenta, pwedeng trade lang.

18. Pampalipas oras mo dati ang paglalaro ng Brick Game, at swerte yung mga may advanced version na may tumatagos na blocks para mapuno na yung gap sa loob. Mas advanced ka kung Tamagotchi ang nilalaro mo. Pinapakain mo, pinapatulog mo, at inililibing mo kung namatay na. At kung talagang kaya nyong bumili, Game Boy ang sayo. Pero kung wala ka talaga, yung laruan na lang na may tubig sa loob tapos dapat ma-shoot mo yung mga bilog sa stick na maliit.

19. Bago magsimula ang klase, nakikilaro ka muna sa 10-20, jackstone, langit lupa, ice water, taguan, dr. quack quack, tumbang preso, pepsi seven up at agawan base. Di bale nang madumi na ang uniform mo pagpasok ng classroom.

20. Sinasabi mo sa kaklase mo na “Liars go to hell” kapag tingin mo nagsisinungaling sya. ”Cross my heart, hope to die” kapag nangangako ka. “Period no erase” kapag gusto mo walang kumontra sayo. Kaya lang wala kang lusot kapag sinabi ng kaklase mo na “Akin yung factory ng pambura”.

21. Sikat ka pag ang pencil case mo nabubuksan sa dalawang side taposmaraming attachments like magnifying lens, book stand, compartments na maliliit tapos push button pa. Minsan sa ibabaw ng pencil case meron pang maze, may maliit na silver na bola tapos itatagilid mo yung pencil case para gumulong yun, hanggang sa matapos yung maze.

22. Di ka baduy kung ang notebook mo nung elementary ay may mukha ng artista

23. Sa coleman mo inilalagay ang tubig na baon mo sa school.

24. Nagpabili ka ng Baby-G sa magulang mo.

25. Elementary ka nung nauso ang pager. Yun pa ang pinapangarap ng mga bata, hindi pa cell phone.

26. Meron ka pa rin ng pinakamalaking cell phone na nakatago na ngayon sa mga kahon.

27. Wala pang PS/PS2, XBox, Wii, atbp. noon. Family Computer pa lang, yung cartridge yung bala. Usong laro ang Mario Bros., Battle City at Rambo.

28. Meron ka ng isa sa mga ito: Family Computer, Nintendo, Sega, roller blades, brick game, Tamagochi, Swatch Watch w/ matching guard, Troll collection.

29. Alam mo ang mga linyang ito sa mga kanta: “Natatawa ako, hi hi hi hi”, “Anong paki mo sa long hair ko”, “Dahil sa bawal na gamot”, “Mga kababayan ko, bilib ako sa kulay ko”.

30. Isa dito ay theme song mo: “I Swear” by All 4 One, “What’s Up” by 4 Non Blondes (Andsay, Hey ey ey ey ey ey. I said hey, What’s goin on!), “Zombie” by Cranberries.

31. Sumasayaw ka ng Macarena.

32. Alam mo ang kanta ng Spice Girls at may favorite ka sa kanila. Kung fan ka talaga, may poster ka pa at casette tape ka pa nila.

33. Malamang ay naging fanatic ka ng isa sa mga sumikat na boy bands.

34. Ang tinutugtog lagi sa radyo ay mga kanta ng mga banda gaya ng Eraserheads, Parokya ni Edgar nung nagpapalda pa lang sila, Alamid, Rivermaya, True Faith, The Youth, Afterimage at kung anu-ano pang pinoy bands.

35. Tape pa ang uso, di CD or MP3 players. Pag gusto mo yung kanta kailangan tantyahin mo kung ilang seconds i-rewind yun para mabilis paulit-ulitin.

36. Kinakanta nyo dati sa school yung “Heal the World”, “Tell the World of His Love”, “Jubilee Song”, etc.

37. Nanonood ka dati ng Power Rangers, Captain Planet o Ninja Turtles. Nagkukunyari pa kayo ng mga kaibigan mo na kayo yun at nagkakasipaan kayo.


38. Di ka papagalitan ng magulang kahit magbabad ka sa TV, basta ang pinapanood mo ay Hiraya Manawari, Bayani at Sine Skwela, kung saan nakilala mo sila Teacher Waki, Ugat Puno, Palikpik, at ang buong barkada nila lalo na kapag nakasakay sila sa space ship o sa jeep na lumilipad.

39. Sinubaybayan mo ang Ghost Fighter at ang Dragon Ball. Naging favorite mo si Eugene at si Goku.

40. Niloloko mo yung theme song ng Voltes V kasi di mo maintindihan yung theme song: ”Tato ni Ara Mina malaking cobra…”, “Boltes Payb lima sila, pumunta sa kubeta…”, ”…Kontra Bulate!”

41. Napanood mo din yung ibang anime tulad ng Shaider, Sailormoon, Daimos at Maskman. Saulo mo pa nga yung kanta dun: “Oh maskuman kayo ang pag-asa.. Iligtas kami sa marahas na kadiliman… Kami inyong ipaglaban! Sugod, sugod laban maskuman, ipaglaban nyo ang katarungan.. Sige, sige laban maskuman..”

42. Sinubaybayan mo ang Sarah ang Munting Prinsesa, Julio at Julia, at Cedi. Pinanood mo pa nga yung movie version ng Sarah ang Munting Prinsesa with Camille Prats.

43. Alam mo din yung “Ang Pulubi at ang Prinsesa” with Camille Prats and Angelica Panganiban.

44. Gusto mong sumali sa ANG TV. Pero alam mong hindi na pwede. kaya kuntento ka na lang sa panonood nito tuwing 4:30 ng hapon.

45. Batibot ang usong palabas. Akala mo nga mag-dyowa o mag-asawa sina Kuya Bodjie at Ate Sheena.

46. Alam mo yung tono ng pinausong kanta ng show na “ATBP.”: Isa.. dalawa-tatlo.. apat-lima.. anim-pito-walo.. syam-sampu… labingisa-labingdalawa… labingtatlo… labingapat-labinglima…

47. Napanood mo ang Batang X.

48. Sabay kayo nanonood ng yaya mo ng Marimar.

49. Nanonood ka ng kahit alin dito: “Okay Ka Fairy Ko”, “Oki Doki Doc”, “Abangan ang Susunod na Kabanata”, “Palibhasa Lalake”, “Ober da Bakod”, at “Home Along Da Riles”.

50. Galit ka kay Clara kasi sobra naman talaga sya mang-api kay Mara.

51. Pinanood mo din yung “Villa Quintana”, “Esperanza”, “Anakarenina” atbp.

52. Mga love teams na nagpakilig sayo: Juday and Wowie. Jolina and Marvin.

53. Alam mo yung commercial ng Tender Juicy hotdog na ganito: “Dear diary, Carlo sat beside me today. He’s so cute! Sabi niya I’m pretty kaya lang I’m fat.”

54. Kinakanta mo yung “Thank God it’s Sabado, pati na rin Linggo…” at “Isa pa, isa pa, isa pang Chicken Joy”.

55. Nasa channel 2 pa ang Eat Bulaga at ang Mel and Jay.

56. Nakikita mo sa balita na may mga kultong nagtatago na sa kweba, kasi magugunaw na ang mundo sa year 2000, at yung mga computer daw bigla na lang mag-shu-shut down at mawawala na daw ang technology.

57. Chinese variety shows ang palabas tuwing umaga ng linggo.

58. Matapang ka kung napanood mo lahat ng Shake, Rattle and Roll movies.

59. Narinig mong i-announce sa radyo yung death ni Princess Diana. Biglang nauso yung kanta ni Elton John na “Goodbye, England’s Rose.”

60. Nasa VHS yung mga movies na pinapanood ninyo sa bahay.

61. Kung babae ka, naging crush mo si Leonardo di Caprio dahil sa Titanic. Kaya nga lang, bawal ka pa tumingin sa kissing scenes nina Jack at Rose. Haha. :)

Pangarap ang simula ng kahit anong tagumpay.

Ang pinakamalaking pagkakamali na maaaring gawin ng isang tao

ay ang patuloy na isipin na gagawa siya ng mali.

Ang mga problema ay hindi hadlang sa pag-abot ng mga pangarap, ito ay mga gabay lamang.

Ang mga taong agad sumusuko ay hindi nananalo. Ang mga taong laging panalo ay hindi kailan man sumusuko.

Ang negatibong tao ay nakakakita ng problema sa bawat pagkakataon.

Ang positibong tao ay nakikita ang pagkakataon sa bawat problema.

Sa kada lungkot na dumating,

may sayang naghihintay mapansin.